Оценка компании соискателями

«ҚазМұнайГаз» АҚ ҰК

«ҚазМұнайГаз» ұлттық компаниясы» акционерлік қоғамы – Қазақстанның мұнай-газ саласындағы мемлекеттің мүдделерін білдіретін, көмірсутектерді барлау, өндіру, қайта өңдеу және тасымалдау бойынша қазақстандық операторы. 2002 жылы құрылған «ҚазМұнайГаз» ұлттық компаниясы» акционерлік қоғамының компаниялар тобының құрамына 220 ұйым кіреді.

Қазақстан Республикасы Үкіметі атынан Қазақстан Республикасының Қаржы министрлігінің Мемлекеттік мүлік және жекешелендіру комитеті ҚМГ-ның құрылтайшысы болып табылады.

«Самұрық-Қазына ұлттық әл-ауқат қоры» акционерлік қоғамы (90%) және Қазақстан Республикасының Ұлттық банкі (10% + 1 акция) ҚМГ-ның акционерлері болып табылады. Қазақстан Республикасы  мұнайдың және газ конденсатының расталған қорлары бойынша әлемде 12-ші орынға ие, ал табиғи газ қорлары бойынша – 22-ші орынға, мұнай және газ өндіру бойынша – 17-ші орынға ие.

«ҚазМұнайГаз» ҰК АҚ Қазақстанда мұнай және газ конденсатын өндірудің жалпы көлемінің 28% өндіреді, табиғи және ілеспе газдың - 16% өндіреді, магистральды мұнай құбыржолдарымен  мұнайдың 65% тасымалдануын қамтамасыз етеді, Ақтау портынан танкерлермен мұнай тасымалдаудың 77%, сондай-ақ магистральды газ құбыржолдарымен  табиғи газдың 95% тасымалдануын қамтамасыз етеді, қазақстан мұнайының 82% өңдеуді жүзеге асырады, мұнай өнімдерінің блшек сауда нарығындағы үлесі - 17%.

«ҚазМұнайГаз» ҰК АҚ ірі жұмыс берушілер қатарына жатады, персоналдың жалпы саны – 84 мың аса адам.